Community seed banks: Concept and practice

This handbook in the Muro language of South Sudan is a companion to Vernooy, R., Sthapit, B. and Bessette, G. (2020). Community seed banks: concept and practice. Facilitator handbook (updated version). Bioversity International, Rome, Italy (https://hdl.handle.net/10568/81286). The three booklets making up this handbook were written and designed for rural producers who are interested in establishing, supporting, and managing a community seed bank. Each booklet focuses on a theme presented by the members of a community seed bank in Africa, Asia, and Latin America.

Buku ono orine ‘du gboko kyiro kwori ro be: ka tase usube driya ndi losi oyena be itina. Buku ono to’di yi ka liti taro lepena. Egyi’ba na yi ni Ronnie Vernooy, Bhuwan Sthapit ndi Guy Bessette be (Bioversity International, 2020). James Odra ndi Kennedy Crispo be logoni kala moru si (University of Juba, 2023). Buku ono orivoya nätu giṛinwa ro. Buku giṛingwa ono egyite lidri ‘bӓdri ro ri. Ndana se ka ngaonya lofo be ndroa cini si, ago ndana tadri ole be kyiro kwori gboko anya ro ro opani, edeni ago embani.
Losi ono efoni tavo uṛi tangye usuro tauni ambasi yasi ndi ngaemba kyiro kwori gboko ro ro be. Egyite ngaopa parata na Dipartmenti Agriculture ro, Forestry ro ndi Fisheries ro (DAFF) Miri ‘bädri South Africa ro ozoni. Maye aro’boya DAFF ri tana ndana ozo kandra kado gwo amari buku giṛingwa ono egyi zana ävuoso’ba cini ‘bӓdri ono ya ri uzini. Tagi egyibe buku giṛingwa ono ya ono tausu lidri gi kegyi yi buku koyi be ono ro. Teinye buku kwoyi lofo akuna, mojo te losi oyeni sina Zimbabwe ya. Losi oye’ba Community Technology Development Trust (CTDT) ro lepe amani losi ena ya. Ago lidri gboko kyiro kwori ro Uzumba Maramba Plungwa ro ndi lidri Mudzi robe kpa ama yibe. Ama yaiḋwe ambasi anya yibe tana ndana kaḋa liti azakana te amari. Maye aro’boya CTDT ri tana ndana le tadrigwo buku kwori kaḋa ro vo aloya (Buku giṛinwa3) losi oyena ojoni amari vo aloyasi. Maye aro’boya Anne Porcuna Ferrer ri, Arnab Gupta ri, ago kpa Deendayal Research Institute (India) ri tana leyi tadrigwo lindri ndana ro azakana o’bani bukungwa amoro koyi ya. Maye aro’boya kpa amba ävuoso’ba ḋitoko ro ago manoago ro ri ‘bӓdri ya ngulu, se etoyi ede kyiro kwori gboko ro ro ni. Mojote tauni ndana ro ndi tausu ndaro ago losi azaka se ndana koye be ḋo locini buku amaro ono ya. Ago riti azaka se ndana kusu be losi oyevoya ndi nga azaka se koye yibe kado ro ede, mbara ozo ndi losi oye kwori gbako ro ya ḋo mooloci kpa gwo buku ono ya. Kyiro kwori ro gboko ri omoni kori robena ḋu gboko be olena losi oyeni lidri amba ri mbara cini si. Taoma amaro ya, buku onosi, ӓvuoso’ba amba kaoye andivo anyaro ozoni cu losi Kyiro Kwori Gboko ro oyeni. Aro’boya amaro amba Sandra Garland ri kala egyi buku ono be sina ono edero ngye. Ago aro’boya kpa Luca Pierotti ri beti buku ono ro edero oso nya ondrena be ono ronye.
Aro’boya amba James Odra ndi Kennedy Crispo be ri tana ndana logo bukungwa ono teni kala Englizi ro ya kala Moru si.